ملخص تجربتى فى الصف الثالث الثانوى ...وكل ما تريد معرفته ....اسئل مجرب
ملخص تجربتى فى الصف الثالث الثانوى ...وكل ما تريد معرفته ....اسئل مجرب.
السلام عليكم ورحمه الله وبركاته .. طلاب الصف الثانى الثانوى بيبقوا خايفين عادة من الصف اللى بعده اللى هو تالته ثانوى وده خوف مبرر لاكن ميعرفوش ان الخوف ده ممكن يأثر عليهم بالسلب لان عندنا فى مصر الاهل بيحسسوا الابن ان تالته ثانوى دى اخر العالم لا الكلام ده مش صحيح ، لاكن انهارده هقولة على حجات مهمه لازم تعملها
لو عايز تجيب مجموع وتدخل الكليه اللى انتا عاوزها ، دلوقتى هقولك على شويه اخطاء انا وقعت فى بعض هذة الاخطاء لهذا لا اريدك ان تقع بها ، لذا اقرأ المقاله للاخر علشان تستفيد .
- حجات لازم تعملها :
-اول حاجه لو انتا بعيد عن ربنا لازم تصلى وتقرب من ربنا.
- لازم ميبقاش عندك خوف من تالته ثانوى زيها زى اى سنه عاديه بس مش معنى كده انك متفتحش كتاب.
- استعد للسنه بمراجعه خفيفه على النحو او لو انتا مش حلو فى الانجليزى ذاكر اساسيات بس متبدائش قبل شهر سبعه حاول انك تقوى نفسك فى اللى حاسس انك ضعيف فيه .
- اول ما الدروس تبدأ ذاكر كل دروسك اول باول لان انتا مستحيل تلم المنهج فى شهر وتجيب درجه حلوة .
-حاول تنظم وقتك يعنى مثلا متحرمش نفسك من حاجه اعمل وقت للمذاكرة ومثلا لو كل يوم ساعه تعمل فيها الحاجه اللى انتا بتحبها مفيش مانع اذا كان مبتعطلكش عن المذاكرة .
- اعمل كشكول صغير تلخص فيه دروسك بحيث يكون ده مرجع ليك لو جيت تراجع حاجه.
- لازم اقبل ما تذاكر تراجع على اللى ذكرته امبارح ولو مراجعه خفيفه ده هيخليك تفتكر كل دروسك والدروس متدخلش فى بعضها.
- بعد ما تذاكر لازم تحل تدريبات كتير على قد ما تقدر لان ده بيثبت المعلومات فى دماغه.
- لازم تنام ما لا يقل عن 6 ساعات لان قله النوم بتأثر بالسلب على نشاط عقلك.
( لو عايزين اكتب مقاله عن روتينى اليومى اللى كنت بعمله اكتبو فى التعليقات )
بس كده ودى كل حاجه اللى لو مشيت على الكلام ده يبقا انتا ماشى صح وانشاء الله
هنزلكو هنا مذكرات تأسيس فى اى مادة اللى مهتم يكتب فى التعليقات وانشاء الله هوفرلكو افضل مذكرات التأسيس .
( مع تمنياتى لكم بالنجاح والتفوق انشاء الله )
Public Domain
مننم

تعليقات
إرسال تعليق